vada
News

प्रचण्डले गरे केपी ओलीलाई कारवाही, अध्यक्षबाट ‘आउट’ गर्ने निर्णय

काठमाडौं – नेपाल कम्युनिस्ट पार्टी (नेकपा) प्रचण्ड–नेपाल समूहले प्रधानमन्त्री केपी शर्मा ओलीलाई पार्टी अध्यक्षबाट ‘आउट’ गर्ने निर्णय गरेको छ ।

मंगलवार बिहान बसेको अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपाल पक्षको स्थायी कमिटी बैठकले ओलीलाई अध्यक्षबाट हटाएर वरिष्ठ नेता नेपाललाई कार्यकारी अध्यक्ष बनाउने निर्णय गरेको हो ।

स्थायी कमिटी बैठकबाट गरिएको ओलीलाई हटाउने निर्णय प्रचण्ड–नेपाल पक्षको केन्द्रीय कमिटीले अनुमोदन गर्ने भएको छ । यसअघिकै स्थायी कमिटी बैठकले ओलीमाथि अनुशासनको कारवाही गर्ने निर्णय गरिसकेको छ ।

नेकपाको विधानमा २ अध्यक्ष रहने व्यवस्था रहेको छ । यसअघि नेकपामा ओली र प्रचण्ड अध्यक्ष थिए । पार्टी फुटको अवस्थामा पुगेपछि एकअर्का पक्षका नेतालाई हटाउने निर्णय भइरहेका छन् ।

ओली पक्षको केन्द्रीय कमिटी बैठकले प्रवक्ता नारायणकाजी श्रेष्ठलाई हटाएर प्रदीप ज्ञवालीलाई नयाँ प्रवक्ता तोकेको छ ।

Related Articles

Back to top button