vada
News

कुमार सानुका छोरा भन्छन्, ‘उहाँ महान गायक हुनुहोला तर हाम्रो लागि कुनै कर्तब्य पुरा गर्नु भएन, २७ वर्ष देखि भेटेको पनि छैन ‘

एजेन्सी । चर्चित गायक कुमार सानुले छोरा जान कुमारसंग २७ वर्ष देखि भेटेका छैनन् । जान कुमार बिग बोश कार्यक्रममा सहभागी भएका थिए । सो कार्यक्रममा उनलाई अर्का प्रतियोगिले नातावादको विषय उठाएका थिए । बुवा कुमार सानुका कारण उनले बिगवोशमा आउने अवसर पाएको भन्दै टिप्पणी गरेका थिए । उनको त्यस्तो टिप्पणीमा कार्यक्रम सञ्चालक सलमान खानले पनि टिप्पणी गरेका थिए ।**भिडियो हेर्न तल क्लिक गर्नुहोला **

हालै जान कुमारले बुवासंग २७ वर्ष देखि भेट नहुनुको कारण खुलाएका छन् । उनले भनेका छन्, बुबा देशका चर्चित गायक भए पनि उहाँ आफ्नो छोरालाई २७ वर्ष देखि भेट्नुभएको छैन । आज हामी जे छौं हामी आमा रीताको कारणले हो ।

रिता र कुमार सानुको सम्बन्ध विच्छेद भएको छ । तर तीन सन्तानको जिम्मेवारी रिताले लिएकी हुन् । उनीहरु आमासंगै बस्छन् । उनले भनेका छन्, हामी तीन जना भाइ छौं। आमा रीता भट्टाचार्यले हामी तीन जनालाई एक्लै हुर्काउनुभयो। मेरो बुबा मेरो जीवनको हिस्सा हुनुहुन्न। मलाई थाहा छैन किन उहाँले मलाई कहिल्यै समर्थन गर्नुभएन वा मलाई प्रमोट गर्नुभएन ।

तपाईहरुले बुवालाई नै सोध्न सक्नुहुनेछ । कलाकारीतामा धेरै कलाकारहरु छन् जसले सम्बन्धविच्छेद गरे र दोस्रो विवाह गरे। उनीहरूले पहिलो श्रीमतिसंग कुनै सम्बन्ध नराखेपनि छोराछोरीको भने पूर्ण जिम्मेवारी लिएका छन् । आफ्ना सन्तानको भविष्यका लागि कुनै कसर बाँकी राख्दैनन् ।

ुतर हाम्रो त्यस्तो अवस्था होइन । मेरो बुबा कुमार सानुले हामीसँग कुनै सम्पर्क राख्नुभएन। केही समय अघि उहाँले मेरो बाल्यकालको एउटा भिडियो सामाजिक सञ्जालमा सार्वजनिक गर्नुभएको थियो । मलाईइ लाग्यो बुवाको मन पग्लियो । उहाँले फेरी मेरो कामलाई समर्थन गर्दै अर्को भिडियो पनि सार्वजनिक गर्नुभयो । बुवा परिवर्तन हुँदै हुनुहुन्छ भन्ने लागेको थियो । तर त्यस पछि हाँसंग हाम्रो सम्पर्क छैन ।

ुमलाई पनि लाग्छ कि आफ्ना बच्चाहरूप्रति बुबाको रिस यति लामो समयसम्म हुँदैन । पार्टनरसँग मतभेद हुन सक्छ, तर सबै जोडीहरूले आफ्ना बच्चाहरूले यसको परिणाम भोग्नुपर्नेछ भनेर कहिले सोचेका थिएनन्। यसैले गर्दा मलाई अनौठो लाग्छ जब मानिसहरूले मलाई नातावादको कुरा गर्छन । मैले आफ्नै मेहनतले आफ्नो स्थान बनाएको छु र भविष्यमा पनि जारी राख्नेछु ।

Related Articles

Back to top button