vada
News

पत्थरीको अपरेशन गर्ने भन्दै डाक्टरले बिरामीको अर्को मृगौला निकालिदिए

बिरामीको मृगौलामा पत्थरी भएकोले अपरेशन गरेर पत्थरी निकाल्नुपर्ने बताएका डाक्टरले अपरेशनको क्रममा बिरामीको अर्को मृगौला निकालिदिएपछि हंगामा भएको छ । भारतको बिहार राज्यको राजधानी पटनामा बेगुसरायका २० वर्षका युवक उपचारको लागि एक डाक्टरको क्लिनिकमा आएका थिए । डाक्टरले उनको बायाँ मृगौलामा पत्थरी भएकोले अपरेशन गर्नुपर्ने बताएका थिए ।**भिडियो हेर्न तल क्लिक गर्नुहोला **

बिरामीको मृगौला निकालिएको कुरा अपरेशनपछि उनको पेट दुख्न थालेपछि खुलासा भएको थियो । जी न्यूजका अनुसार उनको पेट दुख्न लागेपछि उनका परिवार यसबारे बुझ्न पुनः डाक्टरकहाँ गएका थिए । डाक्टरले सुरुमा त यो कुरालाई पन्छाउन खोजे तर बिरामीको परिवार आफ्नो कुरामा अडिग रहेपछि डाक्टरले माफी माग्न थाले । डाक्टरले माफी माग्दै यो कुरा गुपचुप मिलाउन आग्रंह गरेका थिए ।

तर, यो कुरा यताउता फैलिएपछि त्यहाँ आसपासका मानिसहरु जम्मा भए र हंगामा भयो । बिरामीको परिवारले पुलिसलाई पनि बोलाए । डाक्टरले ती बिरामीको दाहिने मृगौलामा पनि पत्थरी भएको र अपरेशन गर्ने क्रममा अत्याधिक रक्तस्राव भएपछि आफूले त्यो मृगौला निकाल्नुपरेको बताए । उनले यसबारे बिरामीको परिवारलाई पनि जानकारी दिएको बताए । तर, बिरामीको परिवारले भने यो कुरा अस्वीकार गरे ।

पछि बिरामीको परिवारले ती डाक्टरलाई बिरामीको उपचारको जिम्मा लिने गरी १ हजारको स्टाम्प पेपरमा दस्तखत गराएर साथमा १० लाख रुपैयाँ क्षतिपूर्ति लिएर सहमति गरेको बताइएको छ । डाक्टरले पनि बिरामीलाई थप उपचारको लागि पारस हस्पिटलमा भर्ना गराएका छन् । बिरामीको परिवारले पुलिसमा कुनै उजुरी दर्ता गराएका छैनन् । परिवारले यसबारेमा कुनै प्रतिसक्रया दिन अस्वीकार गरेका छन् ।

Related Articles

Back to top button
Close