vada
News

राजेन्द्र खड्गीको रिपोर्टमा एचआईभी पोजेटिभ !

काठमाडौ । पछिल्लो समय सर्वाधिक चर्चामा रहेका कलाकार तथा द्वन्द्व निर्देशक राजेन्द्र खड्गीले एचआईभी एड्स पोजेटिभ भएको रिपोर्ट हातमा परेको क्षण सम्झिएका छन् । उनले आफैले एउटा भिडियो मार्फत यो कुराको खुलासा गरेका हुन् ।

उनले लापर्वाहीले आफुलाई एचआईभी देखिएको जानकारी दिएका थिए । काठमाण्डौं स्थित नर्भिक अस्पतालको गम्भीर लापर्वाहीका कारण आफ्नो हातमा एचआईभी एड्स पोजेटिभ रिपोर्ट आएको उनको खुलासा छ ।

यो कुरा एउटा प्य्रांक भिडियो मार्फत सार्वजनिक भएको हो । उनले अस्पतालको लापर्वाहीले अरुकै रिपोर्ट आफनो नाममा समावेश गरिएका कारण त्यस्तो देखिएको पनि प्रष्ट्याएका छन् । तर, पछि एचआईभी नेगेटिभ रिपोर्ट पाएको उनले जनाएका छन् । भिडियोमा यो घट्ना कहिलेको हो भन्ने खुलेको छैन।

नोभेम्वर १, २०२० मा नेपाली प्य्रांक मिनिस्टर नामक युट्युव च्यानलमा खड्गीको यस्तो जानकारीको खुलासा गरेको भिडियो सार्वजनिक भएको छ । भिडियोमा ट्याटु वनाईरहेका खड्गीलाई प्य्रांक गरिएको छ । ट्याटु वनाउँदा सिरिन्जको गलत प्रयोगले आफनो भाईलाई एचआईभि भएको भन्दै युट्युवरले त्यसको क्षतीपुर्ति ट्याटु वनाउनेले भर्नु पर्ने वताउँछन्।

त्यसै समयमा खड्गीले युट्युवरलाई एउटा मात्र अस्पतालको एउटा मात्रै रिपोर्टमा भरोसा नगर्न सल्लाह दिन्छन् । एउटा रिपोर्टका आधारमा एचआईभी भएको निस्कर्षमा नपुग्न सुझाउँदै उनले अस्पतालको रिपोर्ट गलत पनि हुने गरेको पुष्टि गर्न उनले आफनै उदाहरण प्रस्तुत गरेका छन्।

‘नर्भिकमा चेक गर्दा मेरो पनि रिपोर्ट एचआइभी पोजेटिभ आयो। हामी कलाकार मान्छे धेरै केटीहरुसँग खेल्छौ’ उनले भनेका छन्–‘मेरो परिवार खतम हुने भो भन्ने लाग्यो। पहिला त मेरो मिसेज नै जाने भो भन्ने भयो।’

पछि फेरी चेक गर्न जाँदा भने रिपोर्ट नै गलत परेको भेटिएको उनले वताउँछन् । ‘म फेरी चेक गर्न गए। पहिला कस्ले चेक गरेको थियो, तिनीहरु भागे। शिव दाई, श्रीकृष्ण म सँगै गएका थियौं’ उनले भनेका छन्–‘अस्पतालका कर्मचारीले नै मिस्टेक गरेका रहेछन्, अरुको रिपोर्ट मेरो नाममा परेको रहेछ ।’ उक्त भिडियो वुधवारसम्म ७ लाख २८ हजारले हेरेका छन्।

खड्गी नेपालमा नाम चलेका द्वन्द्व निर्देशक हुन। उनले पाँच सयभन्दा बढी चलचित्रको द्वन्द्व निर्देशन गरेका छन् । प्रारम्भमा गोपाल भुटानीको सहायक भएर उनी नेपाली चलचित्र क्षेत्रमा प्रवेश गरेका हुन्।जनबोलीबाट

Related Articles

Back to top button
Close