vada
News

बच्चा जन्माउने विषयमा महानायकले यसो भने…

काठमाडौं ।अभिनेता राजेश हमाललाई बिहे नगर्दासम्म कहिले बिहे गर्ने भनेर निकै प्रश्न सोधियो । आफ्ना आफन्त, साथिभाई तथा मिडियाबाट अभिनेता हमालले यो प्रश्नको निकै सामना गरे । तर, ५० वर्षको उमेर सेरोफेरोमा बिराटनगरकी मधु भट्टराईसँग बिहे गरेपछि सबैको मुख बन्द भयो ।

बिहे कहिले गर्ने भन्ने प्रश्‍न त बन्द भयो । तर, आजभोली महानायक हमाललाई कसैले प्रश्न सोध्न पायो भने भन्छ, बच्चा कहिले ? २०१४ मा बिहे गरेको यो दम्पत्तीबाट कुनै बच्चा जन्मिएको छैन । हमालले समेत हरेक मिडिया र प्रश्न सोध्ने सुभेच्छुकहरुलाई विभिन्न किसिमका रमाइला जवाफ दिएर तर्किने गरेका छन्।

यस बिषयमा महानायकलाई हामीले पनि सोध्यौं, बिहे कहिले गर्ने ? तर, यसपटक महानायकले अलिकति फरक तरिकाले जवाफ दिए । हमालले भने, हेर्नुस बिहे, जन्म, मृत्यु सबै कुरा भाग्यमा लेखिएको हुन्छ । बिहे पनि लेखिएको रहेछ । बिहे भयो । बच्चा पनि भाग्यमा छ भने जन्म होला ।

हमालले अहिले बच्चा जन्माउने बिषयमा कुनै निर्णय नभएको प्रतिक्रिया दिएका छन् । ‘अहिले न मधुले अपेक्षा गरेको छ, न मैले’, हमालले फेरी थपे, ‘अहिले कामको व्यस्तता, विभिन्न कारणले सन्तानको योजना बनाएका छैनौं, कुनै दिन त्यो निर्णय भयो भने तपाईँहरुले थाहा पाइहाल्नुहुन्छ नि ।’

युग देखि युगसम्मबाट चलचित्र यात्रा थालनी गरेका हमालले ३ सयभन्दा धेरै चलचत्रिमा काम गरिसकेका छन् । पछिल्लो चलचित्र सकुन्तलापछि भने कुनै चलचित्रमा काम गरेका छैनन् । हमाल छिट्टै चलचित्र उद्योगमा कमब्याक गर्ने तयारीमा रहेको बुझिएको छ ।

Related Articles

Back to top button