vada
News

संक्रमणका कारण फेरी अस्ताए अर्का समाजवादी युवा नेता

संक्रमणका कारण जनता समाजवादी पार्टीका युवा नेता मोहनप्रसाद राईको मृत्यु भएको छ । खोटाङको बराहपोखरी गाउँपालिका–३ साउनेचौंरका राईको शुक्रराज सरुवा रोग उपचार केन्द्र टेकुमा उपचारकोक्रममा आइतबार मृत्यु भएको हो ।

संक्रमणमुक्त भएपछि पनि पोष्ट इन्फेक्टका कारण राईको निधन भएको जनता समाजवादी पार्टीका केन्द्रीय सदस्य सुर्य राईले जानकारी दिए । तत्कालीन संघीय समाजवादी पार्टीका संस्थापक, जनता समाजवादीका वर्तमान केन्द्रीय सूचना, प्रचार–प्रसार तथा प्रकाशन विभाग सदस्य, केन्द्रीय निर्वाचन समिति सदस्य रहेका राई पेशाले आइटी इन्जिनियर थिए ।

किरात राई युवा संघको पूर्व केन्द्रीय अध्यक्ष राई २०७४ सालको स्थानीय तहको निर्वाचनमा तत्कालीन संघीय समाजवादी पार्टीकातर्फबाट बराहपोखरी गाउँपालिका अध्यक्ष पदमा उठेका थिए । उनका श्रीमती र एक सन्तान छन् । उनको निधनमा जनता समाजवादी पार्टीले दुःख व्यक्त गरेको छ ।

Related Articles

Back to top button