News

अभिनेता रणवीरले भने, ‘मलाई बदनाम गर्ने कोसिस गरियो, देशसमेत छोड्नु पर्यो’

बलिउडमा जतिबेला नेपोटिजमको बहस सुरु हुन्छ, सबैभन्दा शीर्ष स्थानमा आउँछ कंगना रनौतको नाम जसले हरेक मौकामा दिग्गज कलाकारलाई ऐना देखाउनुका साथै आफ्ना संघर्षका दिनबारे पनि बताउने गर्छिन् । तर उनीमाथि मात्रै यस्तो भएको होइन । बलिउडका अन्य यस्ता कलाकार पनि छन् जसले यो उद्योगमा आफूलाई एक्लो पाएका छन् ।

रणवीर शौरी भए नेपोटिजमको शिकार ?

यस्तै एक अभिनेता छन् रणवीर शौरी जो सोसल मिडियामा पछिल्लो समय निकै सक्रिय भएका छन् । उद्योगबारे तितो सत्य बताउनुदेखि अनुराग कश्यपसँग ‘तँतँ–मम’ सम्म, रणवीर शौरी पछिल्लो केही दिनदेखि खुल्ला रुपमा आफ्नो बयान दिँदै आएका छन् । रणवीरले सोसल मिडियामाा आफ्ना संघर्षका दिन याद गरेका छन् । उनलाई बलिउडमा कुनै बेला एक्लै छोडिएको र बदनाम गर्ने कोसिस गरिएको पनि उनले बताए ।

संघर्षका दिनः

यसै सिलसिलामा रणवीरले ट्वीट गर्दै भने, ‘म कसैको पनि नाम लिन सक्दिनँ किनभने मसँग कुनै प्रमाण छैन । तर म यो मुद्दामा यसकारण बोलिरहेको छु किनभने ममाथि पनि यी सब भए, एक्लै छोडिइनु, गलत बोल्नु, मिडियामा झुटो खबर फैलाउनु । सन् २००३–२००५ बीच म अत्यधिक तनावमा रहेको छु । मलाई त्यहि व्यक्तिले यी सब गरे जसको नाम आज पनि आइरहेको छ । म यसकारण जीवित भएँ किनभने मसँग परिवार र साथीभाइ थिए । मैले त देशसमेत छोड्नुपर्यो किनभने मविरुद्ध यति खराब स्थिती बनेको थियो । म त्यतिबेला ३३ वर्षको मात्रै थिएँ ।’

Related Articles

Back to top button
Close