vada
News

होम लोन लिने तयारीमा हुनुहुन्छ भने यी कुरामा ध्यान दिनुहोला

काठमाडौं । तपाईंको सपनाको घर किन्नको लागि पैसा छैन भने सबैभन्दा भरपर्दो समाधान ऋण नै हो । अपेक्षाकृत कम ब्याज दर, दीर्घकालीन ऋण चुक्ता गर्ने अवधि र बैंक तथा वित्तीय संस्थाहरुको आकर्षक प्रस्तावहरू घर जग्गा खरिदका लागि सबैभन्दा लोकप्रिय साधन हुनसक्छन् ।

तर, जहाँसम्म होम लोनको प्रत्येक महिना भुक्तान हुने किस्ताको बारेमा अगाडि नै सोच्नु पर्छ। यदि तपाईंले ऋण चुक्ता गर्ने योजना गर्नुभएको छैन भने होम लोनको किस्ता (मासिक किस्त वा ईएमआई) को मासिक बजेटमा अनावश्यक बोझ पर्न सक्छ ।

यदि तपाईंले घर किन्नको लागि होम लोन लिने निर्णय गर्नुभएको छ वा तपाईंले पहिले नै होम लोन लिइसक्नुभएको छ भने त्यसपछि ईएमआईको बोझ कम गर्न सजिलो उपायहरु सोच्नु पर्ने हुन्छ ।

नेपालका बैंक तथा वित्तीय संस्थाहरूले घर खरिद गर्न, घर बनाउन, जग्गा किन्न, घर मर्मतसम्भार तथा विस्तार लगायत शीर्षकमा घर कर्जा उपलब्ध गराउँदै आएका छन् । यस्तो कर्जा ३५ वर्ष अवधिसम्मका लागि पाइन्छ । हाल उपत्यका भित्र आवासिय तथा घर कर्जाको सिमा धितोको ५० प्रतिशत कायम छ भने उपत्यका बाहिर ६० प्रतिशत छ । यो व्यवस्था चालु आर्थिक वर्षको मौद्रिक नीति मार्फत ल्याएको थियो । त्यस अघिसम्म त्यस्तो सुबिधा उपत्यका भित्र ४० प्रतिशत र उपत्यका बाहिर ५० प्रतिशत मात्रै थियो ।

हाल नेपालमा सञ्चालनमा रहेका २७ वटा बाणिज्य बैंकहरुले आधार दर (बेसरेट) घटाएर सस्तो ब्याजदरमा कर्जा उपलब्ध गराइरहेका छन । पूर्ण सरकारी स्वामित्वको राष्ट्रिय बाणिज्य बैंक र ५१ प्रतिशत शेयर भएको नेपाल बैंकलेले ७.२५ प्रतिशत ब्याजदरमा घरकर्जा योजना ल्याएको छ । यस्तै, स्ट्यान्डर्ड चार्टर्ड बैंकले ७.५९ प्रतिशत, नबिल बैंकले ७.९९ प्रतिशत ब्याजदरमा घरकर्जा उपलब्ध गराउने घोषणा गरेका छन् ।

बैंकहरुबाट ऋण काढेर घरजग्गा जोड्ने योजना बनाउनुभएको छ भने तपाईंका लागि यो समय उपयुक्त रहेको छ । अहिले बैंकको ब्याजदर एकल अंकमा नै रहेको छ । एक वर्ष पहिलासम्म घर कर्जा ऋणको ब्याज १४ प्रतिशतसम्म तिर्नुपथ्र्यो । गएको एक वर्षदेखि विश्वभरी फैलिएको कोरोना महामारीका कारण व्यापारी व्यवसायमा आएको मन्दीका कारण बैंकहरुमा तरलता बढी भएका कारण बैंकहरुले व्याजदरमा एकल डिजिटमा झारेका छन ।

अहिले ‘क’ वर्गका सबै वाणिज्य बैंकहरूले १० प्रतिशतभन्दा कम ब्याजदरमै घरकर्जा उपलब्ध गराइरहेका छन् । कतिपय बैंकले यति समयसम्म ब्याजदर नबढाउने र त्यसपछि बेसरेट अनुसार ब्याजदर थपघट हुने बताएका छन् । बैंकहरूले स्किम ल्याउँदा ६ महिनादेखि दुई वर्षसम्म ब्याजदर नबढाउने प्रतिबद्धता जनाएका छन् ।

व्यावहारिक नियमले जति तल डाउन–पेमेन्ट हुन्छ, ऋणको प्रिन्सिपल पनि कम हुन्छ । ग्राहकहरूले हरेक महिना इएमआईको रूपमा कम पैसा तिर्नु पर्छ । थप रूपमा यदि तपाईं कम लोन टू भ्यालु रेसियो(एलटीभी)को साथ ऋणको लागि आवेदन दिनपर्छ । तपाईंले घर लोन पाउने सम्भावनाहरू बढ्छन् । किनकि यसले ग्राहकबाट डिफल्टको जोखिम कम गर्दछ । ऋण दिने बैंकहरूले जिम्मेवार ग्राहकहरुलाई सम्मान पनि गर्छन् ।

सामान्यतया, ऋण चुक्ता अवधि लामो राखियो भने मासिक इएमआएइ कम पर्न जान्छ । तर यस तरीकाले तपाइँले ब्याजको रूपमा अधिक तिर्नु पर्छ । लामो अवधिको लागि ऋणा लिनु अघि तपाईंको भविष्यको दायित्वहरूको लागि एउटा खाका तयार गर्नुहोस् र त्यस अनुरूप प्रि–भुक्तानीको योजना तयार गर्नुहोस् ।

तपाईंको वित्तीय अवस्थालाई ध्यानमा राख्दै प्रत्येक ३–४ वर्षमा आंशिक पूर्व भुक्तानको योजना बनाउनुहोस् र ऋणको अवधिलाई पुनः निर्धारण गर्नुहोस् । यस तरीकाले तपाईले प्रारम्भिक दिनमा इएमआइको रूपमा कम तिर्नुपर्नेछ । पछि तपाईले आफ्नो मासिक व्यय आफ्नो अतिरिक्त आयको आधारमा समायोजन गर्न सक्नुहुनेछ । होम लोनको इएमआइ क्याल्कुलेटरको सहयोगमा तपाईं ऋण फिर्ता गर्न योजना गर्न सक्नुहुन्छ । जसले तपाईंलाई प्रत्येक महिना तपाईंको खल्तिमा पर्ने भार कम गर्न मद्दत गर्दछ ।

Related Articles

Back to top button