News

लगाउने हो सुनको मास्क? यस्तो छ यसको मुल्य

कोरोना भाइरसबाट बच्न मास्क अनिवार्य गरिएको छ । विश्व स्वास्थ्य संगठन डब्लूएचओले मास्क प्रयोग गर्न पनि मापदण्ड तयार पारेको छ । तर भारतका एक व्यापारीले भने भाइरसबाट बच्न सुनको मास्क नै लगाएका छन् ।

४ लाख ७७ हजार नेपाली रुपैयाँमा उनले मास्क खरिद गरेका हुन् जहाँ सुन जडान गरिएको छ । सुनजडित उक्त सुनौलो मास्क बनाउन ८ दिन लागेको बताइएको छ । यस्तो सौख प्रस्तुत गर्ने व्यक्ति हुन भारत महाराष्ट्रस्थित पुनेका व्यापारी शंकर कुरहादे । उनी गहनाका सौखिन हुन् । शरीरभर विभिन्न गहनाहरु लगाएरै हिंडछन् ।

४९ वर्षका उनले झण्डै एक किलो बराबरको सुन शरीरमा पहिरिएका छन् । औंठी, ब्रासलेट, नेकलेस सुनकै लगाएका उनले मास्क पनि सुनकै लगाएका हुन् । ‘यो मास्क पातलो छ भने यसमा स–साना प्वालहरु छन्, जसले मलाई श्वास फेर्न सहयोग गर्छ,’ ती व्यवसायीले अन्तर्राष्ट्रिय समाचार एजेन्सी एएफपीलाई भनेका छन् ।

‘हाल उनीसँग मानिसहरु सेल्फी खिचाउन रुचाउँछन् । सामाजिक सञ्जालमा उनको तस्बिरहरु भाइरल भइरहेका छन् ।

Related Articles

Back to top button
Close